09 - 08 - 2024, 08:56 PM
|
|
|
|
..::| الإدارة العامة |::..
|
|
|
|
|
|
من أكتر الأوقات اللي باحتاج فيها حد جنبي،
لما ببقى حاسس إني مش قادر أعمل أي حاجة خالص
، حتى الصلاة مش ببقى قادر عليها..
وفي وقت من الأوقات دي اللي بتمر عليَّ حد بعتلي الأية دي:
أَسْنِدْنِي فَأَخْلُصَ ( مزمور 119 : 117)
حسيت وقتها بجد دي الكلمة اللي جوايّ،
يارب اسندني فأخلص، اسندني من ضعفي،
من اللي بيوقعني وبيحبطني، اسندني من كل المواقف
اللي أنا مش قدها دلوقتي، اسند نفسي وروحي من الوقوع..
ولاقيت نفسي باقول كل الكلام ودموعي سابقاني
وجوايّ راحة إني عرفت أخرج كل اللي كاتم على نفسي ...
باصلي ليك النهاردة لو انت واقع في نفس الحتة بتاعتي
، امسك في الأية دي وصلي بيها🙏
|