[Mary Naeem]

الحياه عمرها مابتقف على حد ...
اكتر جمله قاسيه جداااا على اى حد فارقه حبيب او رفيق...
يعنى ايه تنسى كل ذكرياتك الحلوه بسهوله كدا !!
طيب تنسى وجع الفراق ازاى
فجأه كدا الشخص اللى بتحبه مش معاك ولا حتى تقدر توصله ولا تشوف صدفه حتى ، تتكلم مهما تتكلم مستحيل هايجاوبك بحرف واحد ولا تقدر تسمع صوته ..
الموضوع مش سهل خالص يا جماعه
انت تعرف ان الوجع النفسى اقوى مليون مره من الوجع العضوى على الاقل ده تقدر تاخدله مسكن وترتاح شوية ساعات لكن الوجع النفسى موجوع حتى فى نومتك ده لو نمت .
رساله لكل واحد ما تقللش من حزن حد ولا تواسيه بكلمتين وتنتظر منه انه يبقى كويس على طول بعد ما يسمعك
ادعيله بالرحمه وبس هو فى وضع ماتتمنهوش لألد اعدائك