[walaa farouk]

كنت بحاول اقنع نفسي ان اقدر اعيش حياه تانيه غير الحياه اللي ربنا اختارني علشانها
وبقول ان الحياه اللي المسيح مختارهالي
صعبه اوي وفيها لوحدي مافيهاش حد
فلما اختارت اعيش حياه تانيه مش مرسومالي
لقيت فشل .. وتعب.. وجرح.. ومافيش قيمه.
. وعملك كله بيتنسي.. وفرحتك مش بتكمل.
. وكل حاجه فاكرها معاك بتلاقيها راحت منك. .
الضحكه بتطلع من غير امان
الراحه بتلاقيها لكن بعدها مش بتلاقيها
بتفتكر انك غني وفي الحقيقه بتشحت كل حاجه
بتفتكر ان ليك ضهر وحد تتسند عليه لكن فجاءه تلاقي نفسك وقعت
بتفتكر ان دموعك حد يحس بيها بس بتبقي مكتومه
اه في الحياه دي حبيت واتحبيت وشوفت أيام كنت بتتمناها
ومصدقتش انك عايشها وكنت مستكتر علي نفسي فرحتها
لكن فجاءه تلاقي نفسك خرجت من الحياه دي بشويه كلمات
ومواقف وافكار كلها جرحاك ومكسره قلبك
وتخرج من الحياه دي مدغدغ
وترجع تاني لنقطه الأولي ان الحياه الصعبه اللي اختارهالك
ربنا رغم انها صعبه وممكن تبقي مؤلمه بس مُريحه لأنها من ايده
بس الصعب لما ترجع للحياه اللي اختارهالك المسيح
بعد خروجك من الحياه اللي كنت فرحان فيها بنفسك
بتبقي راجع عاوز تقوله
( احضني الاول وبعدين اشفيني فتلاقي حضنه شفا)