[walaa farouk]

كلنا عارفين اهمية النظافة الجسدية .
. وأول ما حد فينا جسمه بيتوسخ .. مابنستناش ..
بناخد رد فعل تلقائي ننظف بيه أجسادنا عشان ترجع نظيفة تاني. طيب بالنسبة لأرواحنا؟ هل بنهتم فعلاً نعمل كدة؟
ولا حياتنا الروحية عادي ماتبقاش نظيفة؟
للأسف مش كلنا عندنا نفس رد الفعل الفوري التلقائي
اللي بيخلينا نجري نقول له يا رب .. محتاجين نظافة
.. محتاجين نتغسل .
. مع إن نظافتنا اللي جوة أهم بكتير من نظافتنا اللي برة
.. وبنقبل على نفسنا نعمل الخطية ونفضل قاعدين بيها جوانا .
. قاعدين بقذارتها وعفنها وريحتها وقرفها كله ..
وإبليس بينجح يخلينا نقرف من نفسنا ..
فنبعد عن ربنا في الوقت اللي المفروض نروح له فيه ونقول له نظفنا.
أشجعك بقى تفهم النهارده ان الموضوع بنفس بساطة الحمام اللي بناخده عشان ننظف من برة .. ربنا عنده وعود
وعنده ضمان يغسلنا مهما العالم وسخنا وبهدلنا
فبعد كدة ماتقعدش بتأثير الخطية عليك
.. وزي ما بتجري تغسل جسمك لما يتوسخ
.. اجري اطلب من ربنا يغسلك ..
قول له : "اغْسِلْنِي كَثِيرًا مِنْ إِثْمِي، وَمِنْ خَطِيَّتِي طَهِّرْنِي." (مز 51: 2)
. اجري عليه واتمتع بضمان تحقيق وعده: "
إِنِ اعْتَرَفْنَا بِخَطَايَانَا فَهُوَ أَمِينٌ وَعَادِلٌ،
حَتَّى يَغْفِرَ لَنَا خَطَايَانَا وَيُطَهِّرَنَا مِنْ كُلِّ إِثْمٍ." (1 يو 1: 9)
. ماتقعدش بوساخة الخطية .. وروح اتغسل.