[walaa farouk]

زوادة اليوم:
الحقيقة


بيخبّرو عن رجّال كان معزوم على العشا لعند زميلو بالشغل، بيدقّ الباب بتفتحلو سيِّدة، ما بيعرف مين بتكون بيحيّيها بإحترام وبيقلّها :

«سبحان يلّي أوجدِك شو عاطيكي من الحسن والجمال».

بتقلّو :

«يا ريتك جميل المنظر لحتَّى كنت جاوبك بنفس الكلام».

بيقلّها الرِجّال :

«مش مشكل كان فيكي تكذبي عليّي متل ما كذَّبت عليكي».

الزوّادة بتدعيني وبتدعيك :

لحتَّى نكون صادقين مع الناس ومع ذواتنا، نقول الحقيقة ولو مهما كانت قاسية وصعبة، صحيح إنّو الكذب
بيجرّ الكذب بس حَبلو بيضلّ قصير، والله معك.