[Mary Naeem]

حكايه عجيبه جدا وازاى ربنا استجاب لصراخ المظلوم ..
فى أب كاهن بيحكى ويقول لمدة خمس سنين كانت بتجينى ورقه فى القداس بنفس الخط مكتوب فيها "يارب انا ماعنديش واسطه تسندنى فى الترقيع محتاجك تسندنى نفسى إنجح "
بنفس الخط ونفس الكلام لمده خمس سنين كل صلاة قداس كان لازم يلاقى الورقه دى ..
لغاية ما فجأه بطل تجيله الورقه دى ..
فا فى يوم العظه قال صاحب ورقة الواسطه ياريت يجينى بعد القداس محتاجه ضرورى ..
ساعتها بعد القداس وتوزيع لقمة البركه ، والكنيسه فضيت تماماً إلا شاب كان قاعد فى اخر دكه فى الكنيسه ابونا راحله قاله ماللك !!
قاله انا صاحب الورقه يابونا ..
ابونا قاله فينك ياراجل احكيلى قصتك دانا نفسى اشوفك من زمان ..
الراجل حكاله قصته وقاله انا متعين فى الشركه ليا اكتر من ١٥ سنه وكل ما تيجى ترقيه ياخدها حد غيرى فضلت اطلب من ربنا لمدة خمس سنين يسندنى لكن للأسف مافيش فايده فبطلت اكتب طلبه فى القداس 😔😔..
ابونا قاله اوعى تبطل تطلب ربنا سامعك وهايسندك فى الوقت المناسب والوظيفه المناسبه ليك ..
قاله امتى لما اتحال على المعاش 😏
ابونا رد عليه رد جميل جداً وقاله
السيده نازفة الدم فضلت١٢ سنه تعبانه وفى لحظه ربنا شفاها ، خليك واثق واستمر فى طلبتك وماتملش لان اكيد ربنا هايستجيب اللحظه المناسبه ..
بعدها بحوالى شهر ونص ابونا لقى ورقه فى القداس مكتوب فيها .. " شكراً لقد إستجاب ".
عزيزى القارىء

لو انت ضعيف وماعندكش اى حاجه تسندك وبتحاول وتعافر عشان تنجح اعرف انك مسنود من ربنا نفسه اللى مافيش اقوى منه ، ماتملش وتقول مافيش فايده بالعكس خليك واثق انك مع استمرارك فى فى السعى فى الطريق الصح اكيد نهايته هاتكون نجاح مكلل بنعمة ربنا .. ثق به .