[walaa farouk]

بنسمع من بعض جملة (ربنا معاك) ومحدش عارف معناها بجد .

انت عارف يعني ايه ربنا معاك ؟ انا هفسرهالك حتة حتة …..

- ربنا معاك يعني تبقي واقع في مشاكل الدنيا
ودماغك مش عارفه تحلها منين ولا منين
ومش لاقي حد جمبك ، وتلاقي ربنا فك عقدة المشاكل في لحظه واتحلت بطريقته العجيبه ( كدة معناها ربنا معاك )

- لما تلاقي ناس مش بتحبك وعمالة تجيب في سيرتك
ومش سيباك في حالك وبيدبرولك مصايب عشان تقع وتلاقي ربنا ساندك وجمبك واللي بيوقعوك تلاقيهم بيقعوا قدام عينك
( كدة معناها ربنا معاك )

- لما يعوضك عن اي خسارة خسرتها في حياتك
( كدة معناها ربنا معاك )

- لما يجيلك شعور بالاحباط والكآبة
ومش حاسس بأي امل ويجيلك يجددلك حياتك
( كدة معناها ربنا معاك )

- لما يبقي ساتر عليك وحافظك ومظلل عليك
( كدة معناها ربنا معاك )

وربنا معاك دي مش معناها انك مبتغلطش عشان كدة هو معاك
، بالعكس دا انت بتغلط وبتغلط كتير كمان
لكن هو بيحبك وجمبك ومستحمل غلطاتك
عشان حاسس بقلبك وعايزك جمبه .

ربنا معاك دي واسطة سماوية تعديك من اي محنه او اي مشكله ،
حاجة كدة اغلي من الفلوس واي شئ مادي علي الارض .

جملة ربنا معاك دي غالية قوي ووزنها غالي ، فتش في حياتك وشوف اللي مريت بيه وانت تلاقي نفسك ان فعلا ربنا كان ولا زال معاك .

اللي ربنا معاه الدنيا متوقعوش