[walaa farouk]

خليك صاحب دعوة مش صاحب شخص أو مجموعة!
ماتكمّلش تايه وسط الناس أو ماشي في دعوة غير دعوتك لمجرد انك وسط مجموعة..
مكتوب عن لوط (لُوطٌ السَّائِرُ مَعَ أَبْرَامَ) يعنى وهو ماشي مع إبراهيم كان مرسل زيه
، لكن لما راح لسدوم وعمورة كان بيعذب نفسه البارة
لأنه قلبه مكنش شبهم بس عايش شبهم، عشان لوط كان تابع مش صاحب دعوة.
ماتكمّلش حياتك وانت مش عارف بتعمل إيه فى الحياة ومجرد تابع،
اقف وقفة مع الرب واسأله، وعلى فكرة هيرد عليك لأن إلهنا مش صامت
، وكتير ردوده تحسها برا سؤالك عن دعوتك وهدفك فى الحياة،
بس الحقيقة بتكون ردوده فى ملئ تحقيق الدعوة لحياتك بمعنى ايه:
١- ممكن تلاقيه يقولك أقعد فى حضوري كتير واقرأ الكلمة لحد ما تعرفنى عشان أدعيك تتكلم عنى.
٢- ممكن تلاقيه بيقولك سيب علاقاتك ومجالس المستهزئين
لأنى عايز اتكلم معاك عن حياتك وانت لسه محطوط وسط شوك
أو حتى موجود في مكان حلو بس مش مكانك.
٣- ممكن تلاقيه يقولك خد كورس لغة عشان تخدمنى بيه،
وممكن تبقى دعوتك فى الشغل فايقولك حسّن من نفسك وخد بردو كورس.
٤- وممكن تكون جاهز روحياً بس الرب يقولك شخصيتك ونفسيتك مش جاهزين
، هاتتكسر لو قابلت تحديات، سيبني اشتغل وأشكل فيك وأحطك على دولاب الفخاري.
وفى مليون رد من الرب.. لكن الأول اسأل الرب، اسألو تعطوا 🌿🌿
ماتكمّلش_لوط
لتعلموا_ما_هو_رجاء_دعوته