[Magdy Monir]

يا مصر قومى وانهضى ..




يا مصر يا بلد الأصالة والكرم ، قومى أنهضى والبسى الثوب الجديد ، دا انت ربيع الشرق وانت فجره الوليد . بلد الحضارة والضمير ، بلد القيم والقمم والنخيل والشموخ ، فى كل يوم مع الاذان تدق اجراس الكنائس وتقولنا صلوا للرحمن من أجل كل أنسان ينمو فى الأحسان ولتزيدوا في التقوى والإيمان .

يا مصر قومى وانهضى وضمى فى حضنك كل الخيرين نعمل سوا ونكون للكل بلسم وصحة ودواء ، يا مصر يا نيل الخير والمحبة ، مبسوطة ايديك للعطاء ، فيك الأمان وليكى الوفاء وشمسك نور وصحة ودفأ . حنى يا أمى على الغلبان وضمى فى أحضانك المريض والتعبان . وعلمى الجاهل ومتخلهوش يبقى فريسة للشيطان .

يا مصر قومى وانهضى واثبتى للكل انك عظيمة مش باللسان ولا بالكلام . دا انت الأمل وانت العمل . هتبقى شعلة الإيمان فيكى منوره وهتستمرى يا بلدى للعالم كله ملهمة . دا مهما عانيت من فساد صابره يا مصر ومثابره على الاصلاح وعلى خير العباد . يامصر دا انت فى الشرق دوماً هتظلى نور ومناره وعلى هامته هتكونى تاج .