[Mary Naeem]

كلام الله حى


امور الله عجيبه جدااا
إمبارح الصبح كنت بتناقش انا وواحد زميلى عن الايه اللى بتقول من سألك فأعطيه ..
هو مش مقتنع بالكلام وعمال يقولى يعنى ايه امشى فى الشارع وكل واحد يقولى هات اديله ، منا كدا عاوز ميزانيه لوحدها عشان اعطى كل واحد يقولى هات ، ده غير ان معظمهم بيكونوا واخدينها شغلانه ..
المهم فضلت اقنع فيه ان ربنا بيعوض وكل ماتدى ربنا بيزود اللى معاك ويبعتلك اكتر ، وهو مش مقتنع تماماً ، لما لاقيته هو مش مقتنع تماماً بكلامى قفلت معاه الحوار وسيبته ..
بالليل وانا مروح من الشغل عند موقف الأتوبيس ، لاقيت راجل عجوز جه جنبى وقالى" ساعدنى بأى حاجه 😔"
حطيت ايدى فى جيبى كانت خمسه جنيه ، عطتهاله ..
جه الأتوبيس وركبت ، بطلع المحفظه عشان احاسب ..
اكتشفت مصيبه ..
مالقتش المحفظه 😲
اتصلت بواحد زميلى اللى استلم الشيفت بعدى ، سألته يشوف المحفظه بتاعتى فى المكتب ولا لا ، الحمدلله طلعت كنت ناسيها ..
لكن المشكله هنا ، انا هادفع تذكرة الأتوبيس منين وانا اخر خمسه جنيه عاطيتها للراجل اللى فى الموقف 🥺🥺..
كنت قاعد ومحرج جداً مش عارف اعمل ايه ، طب انزل من الاتوبيس ؟؟
قررت انى اقوم واقول لكومسرى الاتوبيس على اللى حصل وينزلنى ..
جيت اقوم ..
لاقيت واحد من قدام نادى عليا..
" كيرلس خلاص ماتدفعش دفعتلك😇"
واحد صحبى كان قاعد من قدام ، مش عارف شافنى ازاى مع انى كنت راكب من الباب اللى من ورا ، بس مش مشكله المهم شافنى 🥰🥰
انا لحظتها حسيت روحى ردت فيا من تانى ..
بعد مانزلت قولتله انت جيت فى وقت 😉😉..
احب اهدى القصه دى لزميلى اللى ماكنش مقتنع بالأيه اللى بتقول
""وَكُلُّ مَنْ سَأَلَكَ فَأَعْطِهِ، وَمَنْ أَخَذَ الَّذِي لَكَ فَلاَ تُطَالِبْهُ."
(لو 6: 30)"
كلام الله حى ..