[Mary Naeem]

كلمات ترنيمة شكرًا وحمدًا ليك يا إلهي نعمك وجودك سر حياتي





1- بقبل إيديك وبصلي ليك تفضل معانا سنين وسنين

شوفنا الأبوة الحلوة فيك وشايلنا في عينيك الأتنين

عمرك ما تتأخر في يوم عن حد تعبان أو مهموم

واحب أقولك على العموم هنا كلنا ليك مديونين



القرار

شكراً يا أبونا على كل حاجة عملتها

على كل خدمة خدمتها على كل كلمة قولتها

وعلمتنا حاجات كتير

شكراً يا أبونا ان انت موجود وسطنا

ياما بإيديك سندتنا وقفت دايماً جنبنا

وشوفنا وياك كل خير



2- أب بصحيح زي المسيح وقت الخطر بتكون نجاة

طيب اوي وحضنك مريح ولينا مرشد في الحياة

بتشيل حمول من ع الكتاف وتطمن القلب اللي يخاف

وترعى بمحبة الخراف وتجول تدور عاللي تاه



3- وقت الضيقات نجري عليك ونشوف معاك راحة وأمان

حنية الدنيا دي فيك يا ابو قلب فيه حب وإيمان

من قلبنا متشكرين وتعبك إحنا مقدرين

يا راعي كنيستنا الأمين ياللي بصلاتك مسنودين