[walaa farouk]

مفيش حاجة أسمها أنا مكتوبلى المجموع ده ولا الكلية دى ،
ببساطه لأن الله مش بيتحكم فى مستقبلنا ،
تعال اقولك ليه؟
الله لما خلقنا ، خلقنا على صورته. ،
وإدانا إرادة حرة نختار بيها ، وبما أني هختار يبق طبعا هتحمل نتيجة أختياراتي
هتقول أنت : طب ما أنا ممكن اجتهد واعمل اللى عليا واتظلم.
هقولك : معاك حق دا فعلا وادرد وبيحصل ده برضوا
لأن فى إنسان حر زيك برضو قرر أنه للأسف ميكونش أمين فى التصحيح والدرجات.
لكن هنا بيجي دور عدل الله ومعيته
انه بيكون معايا ويقدر يحول الشر ده لخير
حتي لو مش دلوقتي ,
او مثلا يعلمني منه أمور تفرق في حياتي بعدين ,
أو انه يسندني وميخلنيش أتكسر
ويساعدني أقوم وأكمل تاني ,
أو يفتح قدامي سكك تانية أنسب لي ويباركني فيها,
وطرق تاني كتير
الله طرقه غير محدودة