[walaa farouk]

والحقيقة دايمًا بنتكلم عن دانيال وأمانة دانيال
المرة دي درست سنين عمر دانيال ولقيت اللي جاي ده
• وهو عنده ١٥ سنة حصل السبي ليه
• وهو عنده ١٨ سنة وقف وقفته الشهيرة
أنه مش عايز يتنجس باطايب الملك
• وهو عنده ٢٠ سنة فسر حلم نبوخذ نصر الأول
• وهو في الأربعينات 40s فسر حلم نبوخذ نصر التاني
• وهو في الستنينات 60s قرا الكتابة الغامضة لبيشاصر ابن نبوخذ نصر
• وهو في السبعينات 70s شاف أول رؤيا الرب ورهاله عن المستقبل
• وهو في التمنينات 80s حصل مشهد جُب الأسود كان أمين فيه
(متخيل عمره أد أيه؟)
• وهو في التسعينات 90s شاف رؤى الآيام الأخيرة وهو متقاعد
أيه الجمال ده... إيه الحلاوة دي
دايمًا لما نتكلم عن رجال الله في العالم بيكون عندنا
أنواع نقول فيهم كدة:
1- فلان ده بدأ وحش، بس كمل حلو، لكن للاسف ختم وحش
2- أو فلان بدأ حلو، بكل كمل وحش، بس ختم حلو
3- أو فلان بدأ حلو، وكمل حلو، بس ختم وحش
....... كمل بقى كل الاختيارات وشوف التنوع .......
لكن دانيال بدأ حلو، وكمل حلو، وختم حلو
صلاتي ليا ولكل حد بيقرا الكلمات دي
ولكل حد هتوصله الكلمات دي أنه يكمل مسيرته مع الله
في أمانة، ويختم حياته مع الله في منتهى الشرف والأمانة
قول معايا آمين