[walaa farouk]

26 وَعَرَّفْتُهُمُ اسْمَكَ وَسَأُعَرِّفُهُمْ، لِيَكُونَ فِيهِمُ الْحُبُّ الَّذِي أَحْبَبْتَنِي بِهِ،
وَأَكُونَ أَنَا فِيهِمْ». إنجيل يوحنا17 .
في عظة قبل كده لأبونا داود حكي عن حد كان بيكلمه و قاله الجملة دي (النهاردة أنا اتحبيت )
.. ابونا قال له اشمعني النهاردة ؟
فالشخص قاله "معرفش بس حسيت بربنا بيحبني في القداس".
القداس و سر التوبة و الاعتراف من الاسرار اللي بتمثل مشهد الأبن الضال فعلياً.
الاتنين فيهم الإنسان بيتحب.
الاتنين بيستقبل منهم الإنسان حب من فوق و علي الأرض.
يقدر الفرد يلمس تعزيات الله منه ليه مباشراً في الافخارستيا،
و يقدر يلمسه من خلال التلمذة و استقبال الأبوة المشابهة لله من خلال الأب الروحي في الاعتراف.
في حبه و قبوله الغير مشروط، تشجيعه المستمر و صبره و ارشاده.
الاتنين بيستقبل فيهم الأنسان رابطة حب سوية خالية من أي تأنيب مؤذي أو تقليل مالقيمة،
رابطة مع ربنا و مع أبوه الروحي . ده الحب اللي المسيح بيقول عليه الأب بيحبه بيه
( الحب الذي أحببتني به) احنا بناخده في الأوقات دي.
في كل حال الإنسان لو مدرك أن كل ده عشانه مخصوص هيخرج ملموس من الله
و شاعر بتواصل شخصي معاه، أنه يوم لما مارس الأسرار ...هو أتحب.