[walaa farouk]

نفسي يارب أتعلم اسيب الحاجة عندك وأرتاااااح…
مش أفضل رايح جاي عليها كأنك "ناسي.. أو مش واخد بالك منها "..

كل شيلة تقيلة،
وكل هم..
كل فكر شغلني ومش سايبني
حتي الخطايا أتوب عندك وأنساها زي ما أنت بتنساها..
وأحلامي …. يااااه دول كتير اوي
أحلامي البسيطة جداً زي "يارب سهل المشوار"
وأحلامي الكبيرة اووووي "أنت عارفها كويس دي"
المواقف والناس اللي جرحوني…
وخوفي من اللي جاي..

نفسي بجد اسيبها عندك، و اتعلم ارتاح بعدها..
واستمتع حقيقي أن "ليا أب مهتم،
إله سهران وشغال علي كل طلبة، وحلم وتوبة وصلاة..
وصديق قريب جداً"…

أيوة، وأبص علي كل دول وأشوف حجمهم قدام محبتك
، عظمتك وقدرتك.. ولا حاجة!
ياه يارب، نفسي أجرب الشعور ده.. وأستمتع بالراحة فيك..