وانتم طيبين وبخير دايماً 
1- مين صاحب فكرة انشاء المنتدى وايه السبب ؟
أكيد صاحب الفكرة هو صاحب الموقع هههههههههه
وكان السبب ان يكون لنا هدف ناجح وخدمة نقدمها من خلال النت نفرح بيها الناس
2- بما انك الأدمن التقنى للمنتدى هل المنتدى اتعرض لهجمات او اختراقات
من الهاكرز قبل كده ولا لاء ؟
بالفعل حصل هاكرز مرة واحدة على الموقع وفى أقل من دقيقة كنا رجعنا الموقع
وكانت صفعة قلم على وجه اللى عمل كدة واتعرف مكانة
فاللى عمل كدة فى موقع هاكر كبير نزل موضوع بأنة دمر موقع الفرح المسيحى
وحط لينك المنتدى ... وفوجئ انة بعد الموضوع بيدوس على اللينك
وجد ان الموقع يعمل دون فقد اى شئ
حتى اللى دخل الموضوع استغربوا من ذلك هههههههههه
واتعرض أكثر من مرة لهجمات لكنها كانت فاشلة نشكر ربنا
واتبعت تهديدات ولكن نشكر ربنا كان موقفنا راسخ وقوى
3 - ايه اكتر مشكلة تقنية قابلتك طول التلات سنين فى المنتدى؟
مافيش موقع يخلوا نهائياً من اى مشاكل
ولكن نشكر ربنا أى مشكلة يتم حلها فى أقل من 24 ساعة
حتى لما حد تقابلة مشكلة ويبلغ عنها
فى نفس الوقت يجد ان المشكلة تم حلها
4 - ايه السبب اللى أدى لسقوط المنتدى قبل كده ؟
حصلت مشكلة كبيرة فى احد هاردسكات الموقع
وكنت قبلها ولأول مرة لم اخذ احتيطاتى فى هذا الأمر
لأنى نقلت على سيرفر جديد ولم يكن لى علية أسبوعين
وكنت سوف ابدأ أخذ الأحتياطات ولكن .....
وكأنها تجربة من ربنا مثل ما حدث فى تجربة ايوب البار
فقد كل شئ .. ولكن بعد التجربة عوضة الله أضعاف أضعاف
كذلك ما حدث فى الموقع فقدنا كل شئ
ولكن بعد ذلك تم النهوض بالموقع من جديد ونشكر اللى ساعدوا فى ذلك
ويتم حفظ نسخة يومياً على سيرفر خارجى بخلاف سيرفر الموقع
ويتم حفظ نسخة كاملة على جهازى كل أسبوع
وتم أخذ الأحتياط لتجنب أى مشكلة مهما كانت
5 - اوصفلنا شعورك لحظة انطلاق المنتدى من البداية خالص وانت
لوحدك كده فى المنتدى وهو لسه معمول طازة ؟
بصراحة الموقع من أول يوم كان علية أقبال
فى ناس حبت المنتدى علشان اسمة الفرح المسيحى
وفى ناس كانت واقفة جانبى عند انشاء الموقع ونهضت بية
وفى ناس وصلت للموقع عن طريق أعضائة قاموا بالدعاية للمنتدى
وكنت عامل دعاية جامدة للموقع على المنتديات مدفوعه ( بنر اعلانى )
وتابعت ذلك حتى عملت أعلانات للموقع فى جريدة اسمها اخترنا لك
وبصراحة كنت فرحان لأن اللى دخل الفرح المسيحى أحبة بجد
6 - هل كنت تتوقع النجاح المذهل للمنتدى ده لحظة انطلاقه ؟
بصراحة كنت حاطت دة هدف ان الموقع يكون ناجح ويكون لة ثمر ايجابى
وفرحت ان ما تمنيتة يتحقق بالفعل ...
7- ايه اكتر مشكلة قابلتك هنا فى المنتدى أو أى موقف محرج اتعرضت ليه
هههههههه اتعرضت لمواقف كتيييييييييير
لكن اشكر ربنا انة يعطى الحكمة فى تدبير كل الأمور
نشكر ربنا ان فى ادارة وطاقم ناجح فى الموقع يساعدوا فى الخفاء لحل أى مشكلة
وعندنا ميزة .. أى مشكلة لاتظهر نهائياً على المنتدى ولا حتى فى قسم الإدارة
بل يتم حلها فى قسم العتاب والشكاوى او فى الرسائل الخاصة
هأحكيلك على موقف خارجى هههههههه
كان معانا احد الأعضاء فى الموقع ويوجد لدينا قسم خاص بالثقافة الجنسية المسيحة
فالشخص دة معجبهوش ان يكون فى توعية حول هذا الموضوع
رغم ان القسم علية رقابة ويتم وضع عظات وندوات وكتيبات مسيحية فقط
فبدأ هذا العضو بالهجوم على الموقع
ودخل أكثر من 25 منتدى كتب تحذير من موقع الفرح المسيحى
بأن الموقع يضع موضوعات مش كويسة وحط لينك القسم
نشكر ربنا علاقتنا كويسة جداً مع المواقع والمنتديات لأجل السمعة الطيبة الخاصة بنا
كل المنتديات حذفت الموضوع وعملوا القسم دة فى منتداهم
والى ماعملش القسم نقل المواضيع لمنتداة لأنها توعية لشبابنا فى مواضيع مسيحية
8 - هل السيرفر اللى عليه المنتدى حالياً قوى وممكن يستحمل أكتر من ألف
زائر فى وقت واحد ولا ده ممكن يسبب مشكلة فى السيرفر ؟
نشكر ربنا السيرفر الحالى يسع حتى تواجد 5000 ألاف زائر فى لحظة واحدة واكثر من ذلك
وعلية دعم فنى أجنبى 24 ساعة متواصلة وحماية شاملة
9 - هل وانت بتقراء الأسئلة دعيت عليا ولا لاء اعترف الأنكار مش هيفيدك هههههههههههههه؟
هههههههههههه
تقبلتا بصد رحب 