[walaa farouk]

مين اللى قال أن اللي جاى أحلى؟
إزاى هتعامل مع التحديات اللي جاية؟
وأسألة تانية كتير بتتقال ...
وافتكرت يشوع بعد موت موسى ..
الله قاله أنت هتكون القائد مكان موسى وهتعدي بالشعب نهر الأردن
ويمكن سأل نفسه نفس الأسئلة لأن المشهد كان صعب ..
- قائد لشعب متذمر ومتمرد
- جاي بعد قائد عظيم زى موسى
- عنده تحدي يحافظ على تابوت عهد الله يشق البحر بيه
ويعدي بكل الشعب
بس كان الضمان الوحيد أنه عارف هو مع مين أو بالضبط "
هو ماشي وراء مين"
كان كلام الله واضح لما قاله
" لاَ يَقِفُ إِنْسَانٌ فِي وَجْهِكَ كُلَّ أَيَّامِ حَيَاتِكَ.
كَمَا كُنْتُ مَعَ مُوسَى أَكُونُ مَعَكَ. لاَ أُهْمِلُكَ وَلاَ أَتْرُكُكَ.
تَشَدَّدْ وَتَشَجَّعْ، لأَنَّكَ أَنْتَ تَقْسِمُ لِهذَا الشَّعْبِ الأَرْضَ
الَّتِي حَلَفْتُ لآبَائِهِمْ أَنْ أُعْطِيَهُمْ. (يشوع ١: ٥، ٦)"

وزى ما الله وعد ..
الله كمان طلب وقاله"لاَ يَبْرَحْ سِفْرُ هذِهِ الشَّرِيعَةِ مِنْ فَمِكَ،
بَلْ تَلْهَجُ فِيهِ نَهَارًا وَلَيْلاً، لِكَيْ تَتَحَفَّظَ لِلْعَمَلِ
حَسَبَ كُلِّ مَا هُوَ مَكْتُوبٌ فِيهِ. لأَنَّكَ حِينَئِذٍ تُصْلِحُ طَرِيقَكَ
وَحِينَئِذٍ تُفْلِحُ. (يشوع ١: ٨)"

مهما كانت التحديات افتكر أن الله معاك وهيعديك
وهيعمل بيك وفيك ، بس.. بس خليك ماشي وراه،
عارف طرقه صح والهج فى كلمته هو ده الضمان الوحيد.