12 - 04 - 2024, 07:43 AM
|
|
|
|
..::| الإدارة العامة |::..
|
|
|
|
|
|
فيه أشخاص لحد ما بيوصلوا للإرتباط
و الإختيار المناسب ليهم
بيكونوا سابوا وراهم ضحايا كتير مجروحين
بسبب تجاربهم و محاولاتهم بدون إحساس بالآخر
و فيه أشخاص لحد ما وصلوا للنجاح
كانوا نسفوا وراهم ناس كتير و أذوهم و تعبوهم
لحد ما وصلوا لهدفهم ..
و فيه أشخاص علشان يكسبوا شخص
خسروا أشخاص كتير و أذوهم و جرجوهم ..
الشطارة إنك توصل للإرتباط أو النجاح
بأقل أذي ممكن سواء لنفسك أو لغيرك
بلاش تدوس علي الناس و تجرحهم و تأذيهم
في سبيل إنك توصل لهدفك
و كأن البشر عبارة عن جماد و مبيحسوش و مش موجودين غير علشان يحققوا أهدافك ..
راعي مشاعر النفوس و إنت بتسعي لهدفك
لإن مشاعر كل شخص غالية جداً و ربنا ميرضاش بالكسر
و إنت بتسوق أهداف حياتك
المهم توصل سليم و اللي قابلتهم في طريقك
يكونوا سالمين .. متخبطش حد في سكتك .
|