[walaa farouk]

في أعمال الرسل إصحاح 13
بنشوف أن الكنيسة كانت متجمعة بتصلي وتصوم 🤲🏻⛪،
وبعدها يقولنا الكتاب كدا "قَالَ الرُّوحُ الْقُدُسُ:
«أَفْرِزُوا لِي بَرْنَابَا وَشَاوُلَ" (أعمال 13: 2)
إرسالية بولس وبرنابا ماكنتش من نفسهم،
أو مجرد آراء من الرسل، لكن روح الله نفسه
اللي دعاهم هما بالذات علشان يعملوا العمل دا👌🏽
بعدها على طوول بنقرا أنهم صلوا وصاموا وأطلقوهم الرسل
(تلبية الدعوة).

كم مرة الله دعاك علشان تعمل عمل معين
وسمعت وأطعت كلامه؟🤔
طيب كم مرة لما شفت العمل اللي عايزك تعمله
حسيت أنك أصغر من كدا وأنك مش هتعرف تعمل دا؟🙄
كم مرة وأنت بتعمل العمل اللي دعاك ليه واجهتك مصاعب
وانت كملت وقدرت تتغلب عليها؟💪🏻

بولس وبرنابا ماكنتش الرحلة بالنسبالهم سهلة،
أبدًا دوول واجههم اضطهاد، ورفض، وكمان رجم🥹
لكن اللي دعاهم كان في كل مرة بيتعرضوا فيه لاَضطهاد وأوجاع، كان بيشددهم ويقويهم وبيحفظ نفوسهم😇

ماتستهينش بدعوة الله ليك🫵🏻
، وخليك فاكر دايمًا أن نظرته وخطته ليك غير نظرتك
وخطتك لنفسك، هو شايف وعارف بيعمل إيه. ثق فيه
وقوله "ساعدني أطيعك برغم أي شيء
واتكل واثق في حكمتك وكلامك"🙏
ورنم الترنيمة اللي بتقول "ولما تشاور كلامك أوامر
، وهمشي وراك مهما كان أو يكون"🎼