[walaa farouk]

تاني و ثالث و عاشر والف
مش محتاج تفكر كثير يا ترى ربنا هايسدد الاحتياج ولا لا؟؟
و لا تسأل هو ربنا كل مره هايعمل نفس الحاجه ولا لا !!!
الحقيقه هو مافيش ليك رصيد من المعجزات اللي ربنا يقدر يعملها في حياتك
و في كنيستك و بعدها يخلص رصيدك، الرصيد مفتوح
بعد معجزة اشباع الجموع بما فيهم 5000 راجل باسرهم بوجبة اكل
ضحى بيها طفل صغير لما قدمها بحب ليسوع، ظهر احتياج تاني كبير
في مؤتمر تاني كبير كان عامله الرب يسوع و بردو كان فيه الاف الاف الرجال و النساء و الاطفال
و بردو الجموع كانوا مفرهدين من الجوع.. القصه بتفاصيلها في انجيل متى اصحاح 15
و دار نفس الحوار بتفاصيل مشابهه جدا لنفس القصه الاولى
لما يسوع اشبع الجموع بخمسة ارغفه و سمكتين
كأن التلاميذ عندهم قناعه ان المسيح هايعمل معجزه مره مش هايعمها تاني؟؟
جات منين الفكره دي ؟؟؟
المفاجأه ان المسيح عمل نفس المعجزه تاني و مستعد يعملها ثالث و رابع
و الف مره طالما فيه تلاميذ بيؤمنوا بفكره هو و بياخدوا خطوات عمليه تثبت ايمانهم بيه
الرب يسوع مستعد يعمل الف معجزه مع شعبه اللي بيتعلم فكره و بيعيشه.
المسيح عايزنا شركاء معاه في العمل اللي هو بيعمله هو عايز شويه العيش
و السمك اللي في ايدك عشان يباركك انت و تكون جزء من قصه اكبر بكثر
من مجرد حدث لا يذكر اسمه مجرد وجبه اكل و السلام
لو عايز تتعلم ازاي تشتغل مع المسيح شخصيا و تكون حياتك جزء من قصه اكبر
و معنى كبير يبقى الاول محتاج تفهم فكره المعلن في كلمته عن العطاء بسخاء.
لانه بعطائك ليه انت بتكسر خوفك على الممتلكات عشان هو اللي يمتلكك
و يعيش فيك و يصنع منك بطل في قصته العظيمه.