عرض مشاركة واحدة
  رقم المشاركة : ( 1 )  
قديم 06 - 04 - 2024, 06:15 PM
الصورة الرمزية walaa farouk
 
walaa farouk Female
..::| الإدارة العامة |::..

 الأوسمة و جوائز
 بينات الاتصال بالعضو
 اخر مواضيع العضو
  walaa farouk متواجد حالياً  
الملف الشخصي
رقــم العضويـــة : 122664
تـاريخ التسجيـل : Jun 2015
العــــــــمـــــــــر :
الـــــدولـــــــــــة : مصر
المشاركـــــــات : 384,211

لعل هذه الافكار كانت تدور في ذهن السامرية
فى طريقها الى البئر و هى لا تعلم مَن كان فى انتظارها اليوم هناك ..

افكار كانت تدور فى ذهن السامرية وهى فى طريقها للبئر

كم مرة ..
اخُد هَمى و اروح البير
و ارجع شايلة نفس الهَم

و انا رايحة ..
دموعى تبل عشب الأرض
و انا راجعة .. بُكايا دم

كم مرة ..
قعدت اشكى لقاع البير
و للجَرة .. و للمَية

كله اصَم !
و كم مرة ..
قلت احكى مع جيرانى
تتسَك فـ وشى ابوابهم
م انا سيرتى مسابقانى فى كل فم

و كم مرة ..
احس نفسى عطشانة و اجى اشرب
طعم المَية فى حَلقى مرارة السِم
كم مرة ..
و انا بأموت فـ احزانى و حزنى قبر
ريحته فـ الفضا تتشم

كم مرة .. و كم مرة
تعبتى يا نفسى م الشكوى
و كتر عَد قولة .. كم
-------------------------------------------
و لكن المسيح تقابل معها هذه المرة
و تغير كل شىء و عادت تهلل و تبشر بأسمه القدوس
رد مع اقتباس