[walaa farouk]

تبقي نايم مُحبط و تلاقي نفسك صاحي متعزي
و عايز تصلي و ترنم و تشكر و تبدأ من جديد

و أوقات تبقي مُحبط جداً من نفسك
بسبب حالتك الروحية و فجأة تلاقي نفسك متشجع بربنا و بتصلي

و أوقات تبقي مُحبط بسبب الظروف و متكتف
و فجأة تقرا أية أو تسمع ترنيمة أو كلمة أو رسالة
تتشجع جواك و تنطلق

دي إستجابة وصفها داود و قال

شَجَّعْتَنِي قُوَّةً فِي نَفْسِي." (مزمور 138: 3).

و قال لما دعوتك إنت إستجابتك كانت مختلفة
إن الظروف متغيرتش لكن حطيت قوة في نفسي

يعني مفيش حاجة من برة شجعتني
إنت حطيت قوة جوايا بروحك
خلتني متشجع بعد ما كنت يائس و مُحبط

يارب حط دايماً قوة في نفسي الضعيفة
خاصة في الأيام اللي بكون مش قادر أقوم فيها
من شدة الإحباط و الكسرة و الضلمة

✍️