[walaa farouk]

عارف الابن الأكبر لما قال لأبوه :
"هَا أَنَا أَخْدِمُكَ سِنِينَ هَذَا عَدَدُهَا،
وَقَطُّ لَمْ أَتَجَاوَزْ وَصِيَّتَكَ، وَجَدْيًا لَمْ تُعْطِنِي قَطُّ لِأَفْرَحَ مَعَ أَصْدِقَائِي."

الأب رد هنا رد عبقري بالنسبالي لما قاله :
" يَا بُنَيَّ أَنْتَ مَعِي فِي كُلِّ حِينٍ، وَكُلُّ مَا لِي فَهُوَ لَكَ."

يا حبيبي، أنقل عينيك من على اللي أنا عملته لأخوك عشان تعرف تشوف الصورة صح، أنت مش بس ليك جديًا أنا كل اللي عندي وليّ هو بتاعك .. 😊

طب عارف مثل أصحاب الساعة الثالثة
لما تذمروا على صاحب الكرم "قَائِلِينَ:
هَؤُلَاءِ ٱلْآخِرُونَ عَمِلُوا سَاعَةً وَاحِدَةً،
وَقَدْ سَاوَيْتَهُمْ بِنَا نَحْنُ ٱلَّذِينَ ٱحْتَمَلْنَا ثِقَلَ
ٱلنَّهَارِ وَٱلْحَرَّ!

كل مرة بقصد أني أركز على أن صاحب الكرم ذكر سيرة
*العين الشريرة* 👀
يمكن عشان بَصِت على الدينار اللي مع أصحاب الحادية عشر
وغفلت عن أتفاقهم من الأول على نفس الدينار برضه
مع صاحب الكرم وأنه ماظلمهمش ولا حاجة!

الكلام صعب، بس الحقيقة أن درجة غليانك 🌡️
في المقارنة بتعميك عن حقيقتك..
ويمكن تخليك تشوف الله ظالم والظروف عليك .. 🫸🏻
المقارنة بتفقدنا قيمة اللي معانا، وبتخلينا
مش حاسين بيه ولا عارفين نوظفه ونشتغل عليه صح ..

كفاية مقارنة، قصتك فريدة، اشتغل عليها 😊