[walaa farouk]

انا الى بطبطب ..وانا الى بزعق وبضرب
انا الى بحب ...وانا الى عمرى فى حياتى ما اقدر اكره
انا الى بدادى ..وانا بردو الى قلبى بيوجعنى وافضل اهاتى
انا الى بقول لا .. ومن كلمتين زن برجع فى كلمتى بكل سهوله
انا الى بفضل اهدد هعمل فيكم واسوي ... وبعدها بضحكه برجع فى رأيي
انا الى بفضل اشتكى واقول مش قادره ... وفى لحظه بنسى التعب واقوم زى الجمل
انا الى بقول يخربيت كده زهقت طهقت ... ولو فى يوم بعدت ازهق ويمكن كمان اتجنن
انا الى ذى زى الكل صوتى طالع وصويتى مسمع الكل ...
وبردوفى نفس اللحظه باخد بالحضن واضم
انا الى بقول ماليش دعوه ان شاءالله تخرب هو انا بتعب عشانى ..
وبعدها بلحظه بجرى بالشبشب وراهم عشانهم مش عشانى
انا الى بخاف وانا الى بترعب انا الى بحب وانا الى بتخنق
انا الى بعشق وانا الى بزعق انا الى بصوت وانا بردو الى بحن
انا الى بذاكر ..وانا الى بتجنن ... ويمكن انا الى بمتحن وانا كمان الى بنجح
انا الى بسهر وانا الى من نظرتهم بفهم
وانا بردو الى بموت لو ظهر على وشوشهم نظرة تعب
انا الى نظرة الفرح منهم عندى بالدنيا ... وحياتهم هما الهوا الى بتنفسه
انا زى كل واحده زيي ...انا الى بتعب وبعافر علشانهم وعمري مااشتكيت .
..انا الي نظره منهم بتنسيني تعبي طول اليوم....