[walaa farouk]

مستني ايه من مين؟
مستني من اعمي أذاي يقودك
مستني من مجنون أذاي يديك حكمه
مستني من فاضي أذاي يملاك
مستني من قاسي أذاي يديك حب
مستني من عريان أذاي يسترك
مستني من فقير أذاي يغنيك
مستني من مزيف أذاي ينورك
مستني من تعبان أذاي يشفيك
مستني الجمال أذاي من قلب قبيح
مستني الرحمه أذاي من قلبك غدار
مستني حق أذاي من قلبك مرائي
مستني خير أذاي من قلب شرير
مستني سنده أذاي من قلب بياع
اسأل دايما نفسك
مستني ايه من مين؟
عارف لما شحات بيطلب طلب واللي قدامه يرفض
الشحات يقولك كلمه حلوه اوي
( الله الغني )
فعلا الله الغني عن كل دول
محدش يعرف يديك كل ده غير حد عنده علاقه مع ربنا
حتي لو كان فقير وعريان وضعيف
بس علاقته مع الله تخليه يقدر يدي كل ده حتي لو هو محتاجه
ماتستناش حاجه غير من ربنا ومن ناس في قلوبها ربنا
غير كده
( الله الغني)