[walaa farouk]

علاقتك باللي حواليك عباره عن ملف كبير
فيه مجموعة افعالك ،
مفيش حاجه فيها بتتنسي سواء حلو او وحش

كل كلمه وكل حرف وكل فعل متسجلين
- انك توصل شخص انه يكتئب بسببك ، متسجل
- انك تحسس شخص ان وجوده زي عدمه ، متسجل
- انك طول الوقت تِظْهِر انك المهم ويحس بصغر نفس بسببك ، متسجل
- انك تظلم انسان بسبب ديكتاتوريتك ، متسجل
- انك تخلي شخص ثقته تتهز في نفسه ، متسجل
- انك تحسس حد بالتقصير طول الوقت ،
وحتى لما يجتهد علشان يرضيك ترفض اجتهاده ده ، متسجل
- انك تسخر من شكله او هيئتك وتدخله في مقارنات
سخيفه مع غيره ، متسجل
- انك تلومه على ظروف مالوش دخل فيها ، متسجل

الملف ده كل ورقه فيه هاتشهد على كم الاذى النفسي
اللي سببته لانسان لا حول له ولا قوه ،
وانت بسخافتك ماتعرفش ان ممكن جداً حياته تنتهي بسببك

وعلشان ايه !
علشان حضرتك انسان جليات ماتعرفش
ان لكل شخص قوة تحمل وطاقة ،
ومحدش مهيأ يتحمل فوق طاقته او يتحملك طول الوقت

مش شطارة انك تسعى في انك تدمر شخص نفسياً
لمجرد انك انسان مريض نفسياً وحاسس بنقص
مابتعرفش تجبر الخواطر ! ماتكسرها

اجتهد في ان الناس تنام وهي بتدعيلك مش بتدعي عليك👌