[walaa farouk]

"حَيٌّ هُوَ الرَّبُّ الَّذِي أَنَا وَاقِفٌ أَمَامَهُ"
( ٢مل ٥: ١٦)
جملة جميلة قوي قالها إيليا واتعلمها منه إليشع تلميذه،
بيلخص فيها خلاصة حياته وإيمانه وموقفه.👌

حَيٌّ هُوَ الرَّبُّ.. إلهي حي ماماتش.. شايف الأحداث..
شاهد على اللي بيحصل..إله موجود.. يعني لسه بيسمع ويشفي
.. لسه بيشفق ويتحنن .. لسه بيوعد ويوفي 🙏
لسه بيعمل معجزات.. لسه بيشتغل في حياتي
.. لسه بيحس بآهاتي.. لسه بيعلم ولسه بيتكلم .. لسه بيحبني..💜

والجملة التانية:
الَّذِي أَنَا وَاقِفٌ أَمَامَهُ، مش واقف قدام العالم
ولا الضغوط ولا المشاكل ولا الأحداث ولا الجروح
ولا الماضي ولا حتي الملك والتحديات والاغراءات..😒
أنا واقف قدام إلهي مش شايف غيره مش شاغلني غيره.
. مش مالي عينيّ غيره..😊