[walaa farouk]

انت ك خادم لازم تركز علي الكام نقطه دول.. 👌👇
+ لما يجي مخدوم يكلمك لازم تسمعه
مهما كان الموضوع اللي بيتكلم فيه لازم تبقي مستمع جيد له
علشان ميحسش انك بتتجاهله

+ لو شوفت تصرف غلط من خادم معاك او مخدوم عاتبه
بينك وبينه متسببش حرج له

+ لما تيجي ام او اب يطلب منك هديه ابنه اللي لسه جديد او اللي مجاش تديله بدون تفكير لان الهديه دي مش انت اللي جايبها
دا رب المجد اللي باعتها لاولاده هتمنع حاجه باعتها ربنا؟
هتقوله لا لازم يجي هل ربنا قال ان ابنه لازم يتعمله شروط عشان ياخد حاجه باعتهاله

+ وانت رايح تفتقد متفضلش تتكلم مع اهل البيت كتير
اهتم ب كل شخص رايح تفتقده وقوله قد ايه فارق معانا وجودك في الكنيسه وكلمه عن ربنا ومحبته له

+ متكنش خادم مستهتر وانت رايح مع مخدومينك رحله او مؤتمر تقول اخويا الخادم هيهتم ب كل حاجه ويكون وجودك مجرد اسم
اهتم ب كل واحد وخلي عينك علي الامانه اللي ربنا مديهالك

+ وانت بتتكلم مع اهل مخدوم وشايف حالتهم بسيطه كلمه
وانت بتضحك ف وشه متحسسهوش انك اعلي منه والا احسن منه

عايز تخدم اخدم وبص علي صورة ربنا
مش علي كلام الناس عليك متهتمش تاخد مكان حد وتكون ظاهر اكتر

طبطب اكتر ما تتكلم خلي ربنا قدامك قبل اي خطوه قوله انا هنا علشان اخدمك خليك قد الامانه خليك خااادم خدام للمسيح ❤️
❤️❤️❤️