[Mary Naeem]

محاولات الصاق الفيلم المسئ للرسول باقباط المهجر دون دليل...رأي وتعليق..احكم بنفسك





محاولات الصاق الفيلم المسئ للرسول بالاقباط دون دليل .. المقطع المرفق لم يكن بالنسخة الاولى

حتى الان لا يوجد دليل ان الفيلم المسئ للرسول له أي علاقة بأقباط المهجر .. الفيلم ع اليوتيوب من شهرين وتم تركيب مقطع تمثيلي لبعض المضايقات التي قد يتعرض لها بعض المسيحيين في مصر للصق التهمة بالأقباط وهو ما لم يثبت حتى الان

هذا ليس دفاعا عن اللي عمل الفيلم .. بل استيضاحا للحقيقة ومحاولة قراءة الواقع بدون تأثيرات .. اما اذا كنت عايز الفيلم يكون مسئولية بعض الاقباط الموتورين اللي عايشين بره واحنا مسلمين ومسيحيين عارفين ان فيهم بعض الموتورين .. لكن ده ليس مدعاه لاتهامهم بغير دليل .. فده انت حر فيه .. انا قدامي بعض الشواهد التي تثير الشكوك واظن المتهم برئ حتى تثبت ادانته .. والشك يفسر لصالح المتهم علشان ما نظلمش حد .. وروح دور على الصناع الاصليين لكن تتهمش ناس لمجرد انهم موتورين او متعصبين وكمان يبقى الموضوع بيطول كل مسيحي لمجرد اتنين تلاتة أقباط متعصبين

نشرت صورة للفيديو القديم المشار اليه من شوية http://on.fb.me/S6pWTd هنا وموضح فيه انه من غير المقطع الجديد المقصود منه الصاق التهمة بالاقباط

ولو ظهر انه بعض الاقباط بالخارج مدانين بالدليل ايه المشكلة .. ساعتها يبقوا مدانين بالفعل وهاننشر الادلة دي فورا .. لكن حتى الان لا يوجد دليل واحد يدين اي قبطي بالخارج او بالداخل ولكن ظهرت اتهامات جديدة لأقباط بالداخل أيضا بدون اي دليل واحد عليهم .. ارجو ان يراعي الجميع المسئولية ولا يندفع نحو فتنة جديدة