[walaa farouk]

حلو أوي موضوع الأمانى الجديدة،
حلو إننا نتمنى لنفسنا أمنية جديدة نحققها
، باتمنى واقع تاني مختلف أعيشه، حاجات نفسي فيها
نتيجة مشوار كبير مشيته، وكتير
بتمنى حتى لو عارف أن ده مش هيحصل..
وساعات كتير بنتمنى مش بس لنفسنا لكن لبعض
، حاجات عارفين أن نفسهم يحققوها في السنة الجديدة..

قريت صلاة عجيبة صغيرة ومختصرة
بس ينفع تكون طلبة لسنة جديدة " ليتك تباركنى ,
وتوسع تخومى وتكون معى ,
وتحفظنى من الشرير حتى لا يتبعنى" (اخبار الايام الاولى 10:4 )
بصراحة جايب الخلاصة، الواحد عايز إيه أكتر من:
- " تباركنى"البركة فيّ وفي كل حاجة معايّ
-"توسع تخومى" وسع حدودي المادية والروحية
-"تكون يدك معي" أشوف إيدك في وقت الراحة ووقت الضيق تهونها
-"احفظنى من الشر حتى لا يتعبنى" العالم فيه شر بس إنت هتحمينى

الصلاة دي كانت خارجة من واحد اسمه يعبيص اللي معناه "
سوف يسبب الحزن " واتسمى كده لان ظروف ولادته
كانت صعبة جدًا وفى العهد القديم كان اسماء الأشخاص
ليها معاني مهمة، بتشكل حياته هتبقى عاملة إزاي!
يعنى يعبيص شخص يسبب الحزن وعايش فى الحزن "
الواقع بيقول كده – الظروف بتقول كده " يعبيص في وقت صلى بإيمان الكلمات الواضحة دي، إيمان في واقع مختلف،
فيقول الكتاب كده في نفس الآية
"فَآتَاهُ اللهُ بِمَا سَأَلَ"

أشجعك تصلى بإيمان لواقع مختلف لحياتك مش مجرد أمنيه وخلاص