[walaa farouk]

واحنا عايشين في الحياة الصعبة دي حروب على مستوى العالم ساعات بنحس بالقلق🥺
وساعات بنقول زي ما قال معلمنا لوقا في سفر اعمال الرسل
انْتُزِعَ كُلُّ رَجَاءٍ فِي نَجَاتِنَا. أعمال الرسل20:27🥲
لما كمان نحسبها بالورقة والقلم بنلاقي الدنيا بضيع خالص 🥺
طيب لية كدة ؟؟!🤔
علشان المستقبل مش في أيدينا ... في ايد ربنا 🙏🏻✝️
اللي بيعتمد على الفلوس ضاع
اللي بيعتمد على السلطة ضاع
اللي بيعتمد على الوسايط ضاع
الناس اللي اعتمدت على الحاجات دي ضاعت وتحطمت
عايز اقولك الرجاء في نجاتنا ✝️
هقولك إزاي نعيش الرجاء في نجاتنا
في حياتنا في تلات خطوات حلوين اوي اوي ❤️
وقبلهم هقولك على صلاة جديدة جميلة اوي
يمكن معظمكم ميعرفهاش😉✝️
في سفر اخبار الايام الثاني بيقول لَيْسَ فِينَا قُوَّةٌ
أَمَامَ هذَا الْجُمْهُورِ الْكَثِيرِ الآتِي عَلَيْنَا،
وَنَحْنُ لاَ نَعْلَمُ مَاذَا نَعْمَلُ وَلكِنْ نَحْوَكَ أَعْيُنُنَا
. أخبار الأيام الثانى12:20
نتعلم نصلي بالآية الجميلة دى
هاتكون اجمل صلاة صدقني ❤️✝️
1- اتعلم انك متعتمدش على نفسك
ولا تعتمد على الفلوس
ولا على الوسايط
اتعلم اقف قصاد ربنا قوله أنا معرفش
لا أَعْلَمُ مَاذَا أَعْمَلُ أتصرف انت يارب
2- ارفع صلاة بإيمان
لما ترفع صلاة علشان مشكلة أو تجربة صعبة
اوعي تغلط وتعمل حاجتين ✌🏻
إوعي ترجع تفكر في المشكلة تاني ☝🏻
إوعى ترجع تقترح عليه حلول ✌🏻
3-هاتكون مبسوط بالنتائج المبهرة الغير المتوقعة
لما تدخل ربنا في كل حاجه في حياتك
هتنبهر بالنتائج المبهرة الغير المتوقعة
تعالوا نرجع الإيمان القوي من جديد
بلاش تعتمد على (الفلوس - العضلات - الخبرات....)
لا وقف "لأَنَّ فَوْقَ الْعَالِي عَالِيًا يُلاَحِظُ، وَالأَعْلَى فَوْقَهُمَا". الجامعة8:5
منتظر منك تقوله ممكن تدخل حياتي 🫂🙏🏻
ربنا بيقولك هنَذَا وَاقِفٌ عَلَى الْبَابِ وَأَقْرَعُ
. إِنْ سَمِعَ أَحَدٌ صَوْتِي وَفَتَحَ الْبَابَ، أَدْخُلُ إِلَيْهِ
وَأَتَعَشَّى مَعَهُ وَهُوَ مَعِي. رؤيا يوحنا اللاهوتى20:3
بيقولك ممكن تدخلني في المشكلة وهبهرك بنتائج غير متوقعة ☺️😇
-