31 - 12 - 2023, 05:22 PM
|
|
|
|
..::| الإدارة العامة |::..
|
|
|
|
|
|
كل سنه وانت يارب معانا
ساتر عيوبنا بتعدى فذنوبنا
وفى ضعفنا بتبقى حِمانا .
كل سنه وانت يارب مرتب حالنا
متحمل احوالنا طويل البال علينا
قاضى احتياجنا ومكفينا .
كل سنه وانت قريب مننا
مهما بعدنا وذاد بعدنا
مابتسبنا لحظه مره لوحدنا .
كل سنه وانت سامع شكوانا
حاسس دقات وانين جوانا
باصص لبكانا ومحقق دعوانا .
كل سنه وانت يارب اصل الخير
واحنا فى سترك مش ستر الغير
كل سنه وانت بتفيض وتزيد وتدى كتير .
كل سنه ومنعولش الهم وخايفين
كل سنه وانت مهون فالصعب امين
كل سنه وانت ساندنا فى الشده معين .
كل سنه يارب واتكالنا عليك
كل سنه وانت بجودك مادد فإيديك
كل سنه وانت ماسكنا وبنتمسك بيك .
كل سنه واحنا اللى من غير قصد غلطانين
كل سنه ونسلم لترتيبك واحكامك راضيين
وانت تسامح وتدينا فرصه سنه وسنين .
كل سنه وكل الايام بركه ونعمه كبيره منك
كل سنه وسلامك يملك على كل خليقتك
كل سنه واحنا فى رعايتك وحمايتك وامانتك .
كل سنه وانت يارب تملى مالكنا
كل سنه وانت بداية ونهاية خطواتنا
كل سنه وبحسب مشيئتك تمشى حياتنا .
|