[walaa farouk]

ناس مثل حبة مسكن في لحظة صداع شديد تزيل الألم،
وترسم البسمة على وجوهنا ..

و ناس مثل المضاد الحيوي، تشفى وجعنا، و تعالج كسور نفوسنا ..

و ناس مثل المرهم المرطب، يتحط على الجرح يطيب
و يفف حروق القلب و النفس ،
و بعدين من رقته و تواضعه يختفى من على الجلد "
و كأنه ما عملش حاجة" !!

و ناس زى الفيتامين ، يقوونا و يكملوا نقائص فى أخلاقنا
، نتعلم من حياتهم الجميلة ..

و ناس دواء محلى بالسكر ، طعمه جميل
، يداويك و انت بتشربه و يشفيك و انت بتحب تاخده ..

و ناس "ممتدة" المفعول ، زيارة واحدة تسيب أثر جميل
و شافى العمر كله ..

و ناس دواها غالى من غير لزمة ، و له بدايل ارخص بكتير
.. تعذبك و تتعبك و تذلك و تكلفك على ما تلاقيه ، و بعدين تكتشف أن الارخص كان جنبك و ما خدتش بالك..

و ناس تاريخ صلاحيتها انتهى ، ما بتفيدكش
، و توهمك انها بتشفيك و هى بتضرك و تحرمك من الدوا الحقيقي ..

و ناس زى الدوا البسيط "سهلة" و جنبك فى كل وقت ،
فوائدها كتير و لان سعرها رخيص
و مش مكلفة ما لهاش حظ فى حياتك..

و ناس زى الدوا المر أو زى "الحقنة"
، مؤلمة لكنها ضرورية لشفاء مرض روحى عضال :
كبرياء على عنطظة على عدم امانة
.. بيعلمونا "الادب" ، و يربونا بالوجع !!

اجزخانة الدنيا مليانة ، و صيدلية الناس عمرانة،
و اللى يعيش يا ما يشوف، بس محتاج يختار صح،
أو حد يساعده يختار صح..