[walaa farouk]

اللي بيشجعنا ويفرحنا في الخدمه ♥️
1_ (( ان ربنا بنفسه إللي دعانا لخدمته ))
مش علشان نستاهل ولا أننا من صفوة المجتمع بالعكس ده
لازم نعرف انه لقي فينا المواصفات المطلوبه وهى
المزدرى والضعيف ونشعر بده قدام ربنا
ويقولنا الكتاب المقدس .....
"بَلِ اخْتَارَ اللهُ جُهَّالَ الْعَالَمِ لِيُخْزِيَ الْحُكَمَاءَ. وَاخْتَارَ اللهُ ضُعَفَاءَ الْعَالَمِ لِيُخْزِيَ الأَقْوِيَاءَ." (1 كو 1: 27).
ولكن اختارنا لأنه شاف فينا إللى لقاه في معلمنا بطرس الرسول (( محبتنا لي وحبنا للخدمه ))
"قَالَ لَهُ ثَالِثَةً: «يَا سِمْعَانُ بْنَ يُونَا، أَتُحِبُّنِي؟» فَحَزِنَ بُطْرُسُ لأَنَّهُ قَالَ لَهُ ثَالِثَةً: أَتُحِبُّنِي؟
فَقَالَ لَهُ: «يَا رَبُّ، أَنْتَ تَعْلَمُ كُلَّ شَيْءٍ. أَنْتَ تَعْرِفُ أَنِّي أُحِبُّكَ»
. قَالَ لَهُ يَسُوعُ: «ارْعَ غَنَمِي." (يو 21: 17).
2_ إللى بيشجعنا على الخدمه أننا نشوف نفوس بترجع لربنا
يسوع ده مش احنا بس اللى بنفرح دي السما كمان بتفرح ✨
"أَقُولُ لَكُمْ: إِنَّهُ هكَذَا يَكُونُ فَرَحٌ فِي السَّمَاءِ بِخَاطِئٍ وَاحِدٍ يَتُوبُ أَكْثَرَ مِنْ تِسْعَةٍ وَتِسْعِينَ
بَارًّا لاَ يَحْتَاجُونَ إِلَى تَوْبَةٍ." (لو 15: 7).
3_ بنتشجع لما يبقى معندناش طاقه ولا إمكانية وربنا يستخدمنا
وبيعمل بينا ومن خلالنا ويدينا في كلامنا الدوا ويكون وجودنا أمان لناس كتير
4_ إللى بيشجعنا كمان إننا قريبين من ربنا انه مكان ما بنكون هو بيبقي معانا لأنه 👇😍
"إِنْ كَانَ أَحَدٌ يَخْدِمُنِي فَلْيَتْبَعْنِي، وَحَيْثُ أَكُونُ أَنَا هُنَاكَ أَيْضًا يَكُونُ خَادِمِي.
وَإِنْ كَانَ أَحَدٌ يَخْدِمُنِي يُكْرِمُهُ الآبُ." (يو 12: 26).
ولازم نعرف أن (( لما الفرع بيقع من الشجره بيدبل ويجف ))
الخادم كمان لو بعد عن ممارسة الأسرار المقدسه
وبعيد عن الكتاب المقدس هيكون زي الفرع إللي بيقع من الشجره ....
5_ واللي بيشجعنا ويفرح في الخدمه محبتنا الحقيقة لبعض
ويقولنا ربنا يسوع
"بِهذَا يَعْرِفُ الْجَمِيعُ أَنَّكُمْ تَلاَمِيذِي: إِنْ كَانَ لَكُمْ حُبٌّ بَعْضًا لِبَعْضٍ»." (يو 13: 35).
وتيجي من إنكار الذات وإننا نقدم ربنا يسوع أولا والناس واحنا نختفي ونبعد ويقولنا الكتاب المقدس
"فَجَلَسَ وَنَادَى الاثْنَيْ عَشَرَ وَقَالَ لَهُمْ: «إِذَا أَرَادَ أَحَدٌ أَنْ يَكُونَ أَوَّلًا فَيَكُونُ آخِرَ الْكُلِّ وَخَادِمًا لِلْكُلِّ»." (مر 9: 35).