[walaa farouk]

الموضوع ده للبنات والستات 👩🏻
ومافيش مانع لو راجل تقراه😅
هاقف قدام نازفة الدم..
مرض جه للست دي غصب عنها (ملهاش ذنب فيه)
وحط عليها عنوان اسمه (نجسة) 😥

عارفه أن كتير مننا اتحط عليه عنوان
وكتير بيكون من غير ذنب عملناه
بس المشكلة عارفه إيه ؟!
أنك اشتريتي..
صدقتي العناوين اللي اتحطت عليكي..
نجسة .. رخيصة .. مالكيش قيمة .. مالكيش رأي
.. مش شاطرة.. مش كافية!!
ويطول الوصف اللي صدقتيه على نفسك..

بس النهارده أنا جاية أقولك يسوع
عمل إيه للبنت اللي سماها المجتمع نجسة..
هو وقف الجمع وقال : مين لمسني؟
والغريب أنه فضل واقف وموقف الجمع لحد ماصاحبتنا
جمّعت شجاعتها ووقفت في وسط الجموع ويقول الكتاب :
فلَمّا رأتِ المَرأةُ أنَّها لم تختَفِ، جاءَتْ مُرتَعِدَةً وخَرَّتْ لهُ،
وأخبَرَتهُ قُدّامَ جميعِ الشَّعبِ لأيِّ سبَبٍ لَمَسَتهُ، وكيفَ بَرِئَتْ في الحالِ.
بصي كده معايّ على جمال رد يسوع
فقالَ لها: «ثِقي يا ابنَةُ، إيمانُكِ قد شَفاكِ، اِذهَبي بسَلام. لو ٨ : ٤٧ - ٤٨

أعتقد يسوع بص للست دي في عينيها بكل حب وقالها: يا ابنه😊
غير العنوان من نجسة لابنه
وإداها كرامة في وسط الناس ومدح إيمانها🥰

الست دي يسوع ماشفاش بس مرضها، لكن شفا نفسها
، شفا قلبها المجروح..

النهارده يسوع واقف باصصلك نفس البصة.
وبيقولك "يا ابنه" دي هويتك
ماتشتريش اللي بيترمي عليكي
عيشي هويتك الحقيقية ♥️