[walaa farouk]

سن الثلاثين 🍀


الله نبهني اني ادور ورا السن ده في الكتاب المقدس و اتفاجئت
بأن سن التلاتين بوضوح هو سن إعلان و تفعيل مسئوليتنا تجاه الخليقة بسلطان 🙌🏼🔥

- خدمة يوحنا المعمدان بدأت في ال٣٠ ( معموديه التوبة)
- وقوف يوسف امام فرعون مصر و تفسيره الحلم
و مسئوليته كرجل تاني في ارض مصر ليحفظ العالم من المجاعه
( التكليف ده كان في سن ال٣٠)

ولكن فيه اعلان واضح اوي في السن ده احب اشارك بيه :
(تفعيل دورك كملك و ككاهن)

-اولا اللاوي في العهد القديم يببدأ خدمته
في الهيكل في سن التلاتين و يبدأ عمله ككاهن للشعب
و ما قبل ذلك في حياته هو فتره إعداد للخدمة في الهيكل ( عدد٣:٤).

- ثانيا الملك داود لما بدأ حُكمه كان في سن ال٣٠ و داود ده هو اللي الله اختاره علشان يجي من نسله و يقول ابن الملك داود (٢صم٤:٥)

🚨الرتبة الكهنوتية و الملوكية في ملكوت الرب علي الارض
اتفقتا معا ف سن ال٣٠ !!

و بالتالي و ببساطه مش صدفه ابداً ان يسوع 'الملك و الكاهن'
في انسان واحد يبدأ خدمته في سن ال٣٠ كبير
بين اخوة كثيرين يدعوهم ملوك و كهنة لله ابيه 🙏

🙌🏼 بصلي ليا وًلكل حد من جيلي
اننا نتحرك تجاه بعض بصلوات و تشفعات كهنة
و نُحكم علي مملكة ابليس بسلطان ملوك 🙌🏼
يدوس الحيات و العقارب و كل قوة العدو
بكلمات ليها مِسحة ملوكية علي واقعنا و أيامنا🔥
بصلي ان لا تُفقد أيامنا
ان ننتبه و نلتفت لازمنه الملكوت
ان نفتدي وقتنا لان الايام مقصرة
بصلي ان احيا في الدعوة بمسئولية و بروح جندية
بصلي ان اكون فيما لأبي🙏

“وَمِنْ يَسُوعَ ٱلْمَسِيحِ ٱلشَّاهِدِ ٱلْأَمِينِ، ٱلْبِكْرِ مِنَ ٱلْأَمْوَاتِ،
وَرَئِيسِ مُلُوكِ ٱلْأَرْضِ: ٱلَّذِي أَحَبَّنَا، وَقَدْ غَسَّلَنَا مِنْ خَطَايَانَا بِدَمِهِ،
وَجَعَلَنَا مُلُوكًا وَكَهَنَةً لِلهِ أَبِيهِ، لَهُ ٱلْمَجْدُ وَٱلسُّلْطَانُ إِلَى أَبَدِ ٱلْآبِدِينَ. آمِينَ.”
**رُؤْيَا يُوحَنَّا‬ *1‬:*5‬-*6‬