[walaa farouk]

الايام دي بنعيش في عالم سريع جدا، بنستني نتايج سريعة لأي حاجة بنعملها،
حتي القهوة بقينا مش بنستحمل نقعد شوية عشان نشربها،
الأفلام بقي ليها تلخيص، الكتب ليها تلخيص، حتي الكتاب المقدس بقي ليه تلخيص.
لكن الموضوع مش بيمشي بالطريقة دي في الحياة والخدمة المسيحية
، أعمالنا الكويسة نحو الآخرين لا تكافأ من الله بالطريقة الفورية دي
(التطبيق الأفضل أكيد إننا منستناش مقابل بل حياتي المثمرة يتدفق منها الخير نحو الآخرين)
وكذلك صلواتنا مش بتستجاب في الحال ولا حتي الخدمة مش بنشوف ثمرها في وقتها.
الكتاب المقدس بيكرر استعمال الدورة الزراعية كمثال للخدمة الروحية،
"خرج الزارع ليزرع"، "أنا غرست، وأبولُّس سقى ولكن ﷲ كان يُنمِّي"،
أولاً نبات، ثم سنبلة ثم قمح. في السنابل العملية بتكون تدريجية
وبتمتد على فترة من الزمن، برضو مثال تاني أن الكوسا بتنمو أسرع من البلوط،
لكن الكوسا بتحتاج وقت أطول بعد كدة.
عشان كدة مطلوب مننا اننا نتدرب علي الصبر والمثابرة
ونستمتع برحلتنا مع الله اللي بتدينا قوة واحتمال لأوقات الصبر دي وخليك واثق
من أن عملك للرب مش هيروح هدر، وفي السما هنقدر نشوف النتيجة الكاملة
والمكافأة المضاعفة لأنها هي المكان الأفضل والأضمن
عشان نشوف ثمار مجهودنا علي الأرض.