[walaa farouk]

أوقات تحس ربنا غايب .. غايب من المشهد .
. تفتح الكتاب المقدس متحسش بحاجة .
. تقف تصلي متحسش بحاجة .. تسمع الخادم اللي دايماً بتتعزي بكلامه متحسش بحاجة .. و حالة فتور رهيبة خلت خطايا كتير تدخل لحياتك

و يبعت لك ربنا شخص متألم تاخد بإيده زي السامري الصالح
و تداوي جراحه .. ووقتها تتقابل مع المسيح من تاني
تلاقي التعزية ملت قلبك ،
تيجي تصلي تلاقي الدموع نزلت جري من عينك .
. تيجي تصلي لنفسك تلاقي نفسك عايز تصلي لأجل اوجاع الاخرين

إنت كدة فتحت نافذة لربنا دخل منها النعمة ..
زارتك النعمة من تاني و زارت حياتك لما قررت تخرج برة ذاتك و الامك و احتياجاتك و تاخد بإيد حد تاني

ياااه أوقات كتير ربنا بيخبط علي أبواب قلوبنا عن طريق متألمين كتير حوالينا ، لكن مش بناخد بالنا و ننشغل في سؤال مُرهق مالهوش اجابة ليه يارب سمحت له بالتجربة الصعبة دي ..
و ننسي إن مش ده قصد ربنا و مش ده السؤال اللي ربنا عايزنا نسأله ..
ربنا عايزنا نسأل السؤال بطريقة تاني "
عايزني اساعد الشخص ده ازاي يارب " أصلي لاجله بدموع ،
ولا انزل اسمعه ، ولا اكلمه في التليفون شوية
، ولا أعزمه علي اكلة معينة

أوقات كتير المسيح بيزورنا أو بيبعت لنا في صورة ناس حوالينا مُجربين بتجارب صعبة من أمراض ، أو ضيقات ، أو إدمانات ،
أو ظلم و احنا في غفلة بنضيع الفرصة من إيدينا

رغم إنه قال انكم هتقابلوني في الاشخاص دي
.. و اللي هتفعلوه معاهم فبي قد فعلتم