[walaa farouk]

لاَ تَحْسِدْ أَهْلَ الشَّرِّ، (أم ٢٤: ١)
لاَ تَغَرْ مِنَ الأَشْرَارِ وَلاَ تَحْسِدِ الأَثَمَةَ، (أم ٢٤: ١٩)

اللي يقولك مفيش حاجه اسمها حسد قوله "الحسد مذكور في الكتاب المقدس"

يوسف اتحسد (التكوين ٣٧: ١١)
موسى اتحسد (المزامير ١٠٦: ١٦)
إسحق اتحسد (التكوين ٢٦: ١٤)
و غيرهم ....

بس يا ترى إيه مفهوم الحسد في الكتاب المقدس؟

الحسد هو غيرة شريرة ضد المحبة زي ما مكتوب
"لأن الْمَحَبَّةُ لاَ تَحْسِدُ (١ كو ١٣: ٤)".
فهو شعور رديء، جوه قلب الحاسد، بعدم الرضا والحزن
بسبب الخير والنجاح اللي عند المحسود،
وهو من أعمال الجسد الفاسد اللي في الإنسان (1كو ٣: ٣ ؛ غل ٥: ٢١).

في كتابنا المقدس مفيش حاجة بتقول إن اللي اتحسد
حصلتله مشكلة بل يمكن بالعكس كان اللي بيحصل..
بنقرا عن يوسف وموسى واسحق وازاي ماحصلهمش اي ضرر من اللي حسدوهم بس اتباركوا بشكل غير متوقع..

وفي أوقات كتير بسبب الغيرة الشريرة اللي جوه قلب الحاسد بتكون سبب مباشر أو غير مباشر في ضرره.. وبيكون هو الخاسر الأكبر بسبب الشعور الموذي اللي جواه..

الاهم
إعرف ان الله بنفسه معاك فكل اعمال انسان أو شيطان تتكسر ..
واتأكد إنه الإله المتحكم في كل شي هو نفسه الإله الصالح جدا لحياتك