كلمات ترنيمة كلمة جميلة بتتقال دايمًا
+ كلمة جميلة بتتقال دايما
صوتى بيقولها و عقلى وقلبى
كلمة وحب كبير جواية
تملا حياتى كلمة ربى
حبه فى قلبى و دايما جنبى
بيسمع صلواتى و يلبى
لما بيبعد عنى شوية
بعرف انى خاصمتة بذنبى
القرار
كلمة جميلة بتتقال دايما
صوتى بيقولها و عقلى و قلبى
كلمة و حب كبير جواية
تملا حياتى كلمة ربى
+ مالك قلبى و مالى عنية
ونسمة روحة بتعمل فية
فى طريقى يمهده يسندنى
عينه تحرسنى و قلبة علية
بمشى فى نورة و بسمع صوتة
املى اشوفة فى ملكوتة
لما بتوه عن حضنة شوية
بحنانة و صبرة ينادينى
+ اب حقيقى فى حضنة انا عايش
عارف حاجتى و كل مطالبى
يسمع صوتى بدون ما اناقش
اصلى حبيبه و هو صاحبى
عشت سلامة و دقت حنانة
و بحبة و عايش علشانة
لو شركتنى بحبة الدنيا
يحزن قلبى و تأسى متاعبى
+ مادد ايدة ليل ونهار
تعالى صالحنى و حنن قلبك
فاتحلك حضنى و ليك تختار
و انا متأنى لانى بحبك
بعمل ناسى و بنسى خلاصى
و بحزن ربى بقلبى القاسى
لما تضيق الدنيا و تعند
مالقاش غيرة يسند راسى
+ طول السنة و انا عينى عليك
اسمك ناقشه فى كف ايدية
من بين ملايين انا براعيك
و بشيل عنك اى ازية
تفرح بية طول ما ايدية
بتشيلك هى و عنيه
ولما بسمحلك بتجارب
تنسى حنانى و تيجى علية