[souad jaalouk]

- مرحبا، شو إسمك ؟
-- إسمي يسوع
- ليش قاعد وحدك ؟ ما عندك رفقات ؟
-- كان عندي كتير بس فلّو كلن
- ليش فلّو
-- لأن خافو على حالن إذا بقيو معي
- طيب، مين ضربك؟
-- الناس
- ليش ضربوك؟
-- ما بعرف
- إنتا جرحتن شي؟
-- لاء ، أنا جربت إشفيهن
- أنا زعلان عليك
-- ما تزعل، معليش
- أنا بحبك كتير
-- بعرف حبيبي
- كيف عرفت ؟
-- لأن أنا كمان بحبك
- طيب شو فيني أعمل تداويك؟
-- مشي الحال، هلق أنا صرت أحسن بس شفتك و سمعتك
- طيب فيك تكون رفيقي يا يسوع ؟
-- أكيد، أنا رفيقك من وقت خلقت
- طيب فيني إحميك، و ما خلّي حدا يضربك بقا ؟
-- أكيد فيك
- عنجد ؟ بس كيف ؟ ما أنا طفل صغير
-- إي حبيبي، هيك فيك تحميني خليك طفل صغير