[walaa farouk]

بنلاقي الشطارة 👏 فى إن الإعلان
يحسسك إنك هيفوتك كتير لو مجبتش العربية دي 🙆

إنك هتبقى مش عايش لو مسافرتش في الفندق ده
، إن نص عمرك ضاع لو مأكلتش قطمة من الشوكلاتية دي وهكذا 🫣

👈إلا إن المسيح قال للجميع: 👇
«إِنْ أَرَادَ أَحَدٌ أَنْ يَأْتِيَ وَرَائِي، فَلْيُنْكِرْ نَفْسَهُ وَيَحْمِلْ صَلِيبَهُ كُلَّ يَوْمٍ، وَيَتْبَعْنِي. (لوقا ٩: ٢٣)
إيه ده .. ليه كده🙆‍♀️🙂 حد يقول لحد كده في وشه؟
يسوع وهو بيدعوك للعيشة معاه،
بيأكد إنك محتاج تنكر نفسك، يعني إيه؟🤔
👈 "يعني تموت عن ذاتك وأنانيتك
" وتبقى مركز إنت بتتبع مين وتكون عينيك على السماء.

▪️يعني مستعد تخسر شغل أو مكسب زيادة
⬅️ علشان متكدبش وتبقى مخادع
▪️يعني مستعد تسامح وتغفر وتدي أعذار
⬅️ علشان لازم تحب قريبك كنفسك
▪️يعني مستعد كل يوم تتشكل وتتوجع ويتشال منك الوحش
⬅️ علشان تبقى إناء كرامة مستخدم في إيد الله

🔸️ده جزء من حَمل الصليب "كل يوم" ربما فى وقت نحس أن الموضوع صعب ومؤلم، بس ده الشرط علشان تتبع يسوع✋️

👈الحلو فى المعادلة الصعبة دي
.. إنك كسبت أب وصديق ماشي معاك ال "كل يوم" و"كل خطوة"
ولو كانت الخطوة صعبة عليك عن تجربة،
بيشيلك ويرفعك ومش بيسيبك تقع🥰
السكة مش سهلة لكن فعلًا مستاهلة💜