[مورا مرمر]

اول فقرة

(ترنيمة ولسه ياعدرا بتحني - يوستينا ظريف)

كلمات ترنيمة ولسه ياعدرا بتحني

1- ولسه يا عدرا بتحني
وبتشيلي الهموم عني
وساعة لما بندهلك
بتيجي تقربي مني
ف وقت الخنقه والضيقه
بشوفك أم وصديقه
يا فرحه ف عز أحزاني
شفيعه جميله وبريئه

( القرار )
مغيبتش عني ولا ثانيه
متتقارنيش ب ناس تانيه
يا اكتر واحده حبيتها
يا اطيب ام ف الدنيا

2- مفيش ولا ثانيه سبتيني
ناديتلك يوم سمعتيني
وياما يا أمي بحكيلك
وياما زمان سندتيني
يا بختي بحضنك الدافي
يا قلب ف الوجع شافي
يا شايلاني ف عينيكي سنين
وشايله هموم علي كتافي

3- يا اكبر فرحه ف حياتي
يا سامعه بكايا وصلاتي
يا ست الكل يا حبيبتي
معايا ف كل أوقاتي
انا الطفل اللي بيحبك
وماسك لسه ف ايديكي
ومهما الحزن بيطول
بترجع ضحكتي بيكي