[walaa farouk]

وسط زحمة الحياة بيدخل لعقولنا افكار
وبتتكون معتقدات جوانا ونفضل عايشين بيها
وده كله من غير ما ناخد بالنا..
وفيها منها الكويس وفيها منها السئ طبعا ..

واكتشفت من فترة قصيرة بس انه لو مش كل حاجة
هتطلع زي ما أنا عايزة يبقي أنا كده فشلت
و ساعتها بحس إني مضايقة ومتعكننة جدااا ..
وبسال نفسي هيحصل ايه لو كان ف محاضرة كنت عايزة
اذاكرها وملحقتش .. أو تعبت وملحقتش اكمل تنظيف ف الشقة
.. أو أني قصرت حبة عااادي يعني ..

وساعاتها أدركت أنه عندي حب للكمال أو سعي للكمالية ...
ولقيت انه مش لوحدي وأننا كثير اوي بجد ..
واكتشفت أنه ده بسبب ..
١. المقارنات الكثير اللي اتربينا عليها ..
٢.وأنه المجتمع ( السوشيال ميديا بمعني أدق) اليومين دول حاطتلنا معايير غير واقعية ...
معايير لكل حاجة سواء شكل أو شغل أو مؤهل تعليمي أو مكانة اجتماعية ....الخ
كل دي معايير ملهاش لازمة لأنها بتتغير من مكان لمكان من زمن لزمن و لأن حق كل شخص يشوف حياته بطريقته هو ويحط معاييره هو من غير ما حد يقولك ايه ال مفروض واي اللازم ..
فأرجوك اتحرر من المقارنات و من المثالية الكدابة.. واتعلم انك تستمتع وتحتفل بالحاجات البسيطة .. الناقصة اللي مش كملانة ..
واخيرا اتحرر من المجتمع وأفكاره ومعتقداته وكن نفسك ...
♥️🏹