[walaa farouk]

انت عارف أنه في قصة ف العهد القديم لشخص تشبه مثل الابن الضال !!؟🤔
الشخصية دي هي .. ولا اقولك هتعرف ف الاخر😉
- هو كان ملك وعمره 12 سنة وفضل 55 سنة ملك وفترة حكمه اطول فترة لملك علي مملكة يهوذا🫣
- رغم ان ابوه كان صالح وبار لكن هو كان اشر ملوك يهوذا ومخلاش حاجة وحشة معملهاش😔
- كل العبادات اللي ازالها ابوه رجعها هو تاني عمل تماثيل
وسوارى ومعابد للاوثان وسجد للكواكب والنجوم⭐🌑
وبني مذابح في هيكل الله للأوثان😔
- سخر الجن واتبع السحر والشعوذة ورمي ابنه في النار حي "
ودي كانت طقوس عبادة الاوثان"«وَأَكْثَرَ عَمَلَ الشَّرِّ فِي عَيْنَيِ الرَّبِّ لإِغَاظَتِهِ.»😑
-الله كلمه وبعتله أنبياء كتير هوشع يوئيل ناحوم حبقوق واشعياء
ومسمعش لصوت الله ع السنتهم بل إنه قتل اشعياء ( نشر جسمه)😢
- نتيجة كل الشر ده حصل السبي الاشورى لليهود
واتزل واتهان اتربط بسلاسل فرقبته وخزامة ف منخيره " زى البقر "
وجروه علي بابل وعذبوا كتير😔
- ولما منفعتهوش كل الآلهة اللي عبدها «وَلَمَّا تَضَايَقَ طَلَبَ وَجْهَ الرَّبِّ إِلهِهِ،
وَتَوَاضَعَ جِدًّا أَمَامَ إِلهِ آبَائِهِ» قدم توبة _
صلي بخشوع وانسحاق امام الله قاله «أنت هو إله التائبين.. وفيّ أظهر صلاحك» 🥹🤲🏻
-والله سمع واستجاب ورد منسي ملك يهوذا لمملكته
ورجع لاورشليم وصلح كل اللي عمله😊😍👑
- فمهما كان وضعك او حالتك الله دايما متاح فاتح احضانه ارفع قلبك كلمه اطلبه♥️🫂