[walaa farouk]

🔊🔊🔊🔊 جماعه كل لما اقلب في الفيس بوك
الاقي الناس اللي بتغني الاغنية الجديدة
{اختياراتي مدمرة حياتي}🎧، خليني اقولك حاجه مهمه
. ، 📓الكتاب المقدس بيقول حاجه مهمه جداً جداً جداً
يمكن انت مكنتش واخد بالك منها خالص
واقرا للآخر عشان اللي هقولهولك هنا هيغير حياتك بالكامل …

الأمثال ١٣: ٢-٣
“مِنْ ثَمَرَةِ فَمِهِ يَأْكُلُ ٱلْإِنْسَانُ خَيْرًا..…...
مَنْ يَحْفَظُ فَمَهُ يَحْفَظُ نَفْسَهُ. مَنْ يَشْحَرْ شَفَتَيْهِ فَلَهُ هَلَاكٌ.”

الأمثال ١٨: ٢٠-٢١
“مِنْ ثَمَرِ فَمِ ٱلْإِنْسَانِ يَشْبَعُ بَطْنُهُ، مِنْ غَلَّةِ شَفَتَيْهِ يَشْبَعُ
. اَلْمَوْتُ وَٱلْحَيَاةُ فِي يَدِ ٱللِّسَانِ، وَأَحِبَّاؤُهُ يَأْكُلُونَ ثَمَرَهُ.”

“كَلِمَاتُ الْجَاهِلِ مَهْلَكَةٌ لَهُ، وَأَقْوَالُهُ فَخٌّ لِنَفْسِهِ.”
**الأمثال٨١: ٧

خليني اوضحلك انه في سلطان وقوه لكل كلمه بتقولها ،
بمعني انه حياتك بتدَّمر بسبب ما تقوله ،
وحياتك تزدهر بسبب ايضاً ما تقوله ،
لدرجه انه المقطع الكتابي بيقول انه الموت في يد
لسانك ، والحياه برضه في يد لسانك ….

انتوا شايفين خطورة الايه دي ازاي 😨
، دا معناه انك لو بتغني الاغنيه دي
، فانت بالظبط بتردد كلمات وبتعلن موت في حياتك
ودمار في كل دايره من دواير حياتك سواء
( زواجك -بيتك -ولادك -حياتك -شغلك …الخ)

والغريب انه ابليس طريقته خبيثه جداً🐍
انه يخليك فرحان باللحن عشان تردد الكلمات بسهوله
وتنطقها على حياتك .. مع الملاحظة انه ابليس
جاء ليسرق ويذبح ويهلك ، اما الرب فجاء
ليعطيك حياه وليكون لك افضل - يوحنا ١٠:١٠

جماعه من فضلكوا لاحظوا كل كلمه بتخرجوها ،
*حياتك اليوم نتيجه اللي قولته امبارح ، وحياتك بكره
، هي نتيجه اللي بتقوله اليوم *..

اهم حاجه لو حياتك ادمرت متروحش للرب
وتقوله ليه يارب دمرت حياتي وسايبني كداا ،
خليني ارد واقولك انه الرب نفسه هيشاورلك على الكلمه
وهيقولك انت اللي دمرت حياتك لانه انا قولتلك
انه دمار حياتك ليه علاقة بالكلمه اللي بتنطقها ..