[souad jaalouk]

زوّادة اليوم: Google

بيخبرو عن صبي زغير بس سألوه بالمدرسة كم شخص هنّي بالبيت جاوب: 5، انا و ماما و بابا و اختي و google!
استغربت المعلمة انّو مين بيسمّي ابنو غوغل! و سألتو اذا غوغل صبي او بنت. قلها: ما بعرف و لا مرّة شفتو بس مين ما كان هوّي كتير ذكي شو ما يصير كلّن بيقولو هلّق منسأل غوغل!
هالزغير بعدو ما تعرّف عا عالم الإنترنت و انبهر بقدراتو كيف بَس يجربو! الإنترنت بتساعد كتير و بتسهّل الحياة و بتقرّب المسافات بس كمان عندها مخاطر خصوصا عالزغار اللي كتير سهل يصير عندن ادمان عا هالعالم الإفتراضي...الزوّادة اليوم بتحمُل رسالة اجتماعيّة، انتبهو لولادكن و كونو حدّن و وَجْهُوهن عالإشيا اللي بتثقّفن و بِتسَلّيهن بلا ما تؤذيهن و نَظمولن علاقتن بالإنترنت حتّى ما يصير عندن ادمان عهالشاشة الزغيرة...الله معكن