[walaa farouk]

إيه هو المو*ت..
لو رجعت لورا خالص من بداية الخلق..
ربنا قال كلام غريب لأبونا آدم!
لو أكلت من الشجرة هاتم*وت..
أبونا آدم عمره ما شاف حد ما*ت!
هل ربنا شرح ليه وفهمه معنى المو*ت؟!
مش عارف ومش متأكد!
لكن أبونا آدم أختبر معنى المو*ت عمليًا بعد العصيان
خاف واستخبى من ربنا، ورا شجرة!
مش دي حاجة تضحك؟ ولا تبكي؟!
وبعد كدا اتطرد من محضر ربنا؛
كان ربنا سبحانه مبارك اسمه، بيجيله كل يوم
ويمشي معاه.. ومن يوم ما اتطرد من الجنة
لغاية النهاردا وكل ذريته بتمو*ت
وعلشان كدا الكتاب المقدس بيقول..
إن في أنواع كتيرة للمو*ت وكلهم أخطر من بعض
المو*ت الوجودي
«وَأَنْتُمْ إِذْ كُنْتُمْ أَمْوَاتًا بِالذُّنُوبِ وَالْخَطَايَا،» أفسس 2: 1

مو*ت الفصل عن محضر الله القدوس الطاهر..
أنا غايب عن الوجود الحقيقي،
الله هو الوجود وغيره مو*ت.

المو*ت التاني.. هو المو*ت الأخلاقي
أخلاقي مش بتدل على مصدري
أنا مصدري الله القدوس خالقي،
فين أخلاقي ودوافعي من قداسة مصدري؟!
الرسول بولس قال عن الأخلاق والسلوك
اللي بنعملها «الذُّنُوبِ وَالْخَطَايَا،
الَّتِي سَلَكْتُمْ فِيهَا قَبْلًا حَسَبَ دَهْرِ هذَا الْعَالَمِ،»
(افسس 2: 2).

دا غير إننا مش عايزين نعرف ربنا أصلاً
"وَكَمَا لَمْ يَسْتَحْسِنُوا أَنْ يُبْقُوا اللهَ فِي مَعْرِفَتِهِمْ،”
(رسالة رومية 1: 28)
النوعين دووول ليهم علاج في صليب الرب يسوع

أما النوع التالت واللي مالهوش علاج..
هو المو*ت الأبدي، حالة البعد النهائي عن الله
أنا متمناش ليك المو*ت دا، وأتمنى ترجع بطلب التوبة
والله كمان المخلص العظيم.. اللي قدم ابنه
كفارة لخطايانا وذنوبنا كمان مش عايزك تموت
قولت ايه؟! تحب ترجع؟