[walaa farouk]

كانت ليلة صعبة عليها..
مامتها كانت مسافرة لما حصلت لها الحادثة😥..
أول لما فاقت لاقيته جنبها، ودموع القلق مالية عينيه..
ماتكلمش خالص لكن فضل ماسك إيديها طول الليل،
وعينيه بتراقب شاشات الأجهزة والأرقام عشان الدكاترة
قالوا له إن أول ٤٨ ساعة لو عدوا على خير
هيزودوا أمل إنها ترجع طبيعية...😯
وفي اليومين دول اهتم بيها زيادة..
فضل يسند فيها عشان تنزل رجلها من السرير.
. فضل يحايل فيها عشان تقبل طعم الأكل🤍..
كل ده بيحصل من غير كلام كتير ..
هي بس مركزة اوي في اهتمامه المرة دي❤️...
هو طول عمره موجود لكن الوقت ده اتواجد زيادة..
هو طول عمره بيلبي طلباتها، بس وقت التعب
قدم كل اللي عنده من غير ما تطلب..
أصله ببساطة بابا🤩

النهاردة عايز اقولك احساس جديد للعناية الإلهية
اللي كلنا حافظين آياتها ومصدقين فيها..
اسمعها بصوت يسوع من عالجبل: لاَ تَهْتَمُّوا لِحَيَاتِكُمْ بِمَا تَأْكُلُونَ
وَبِمَا تَشْرَبُونَ، وَلاَ لأَجْسَادِكُمْ بِمَا تَلْبَسُونَ.
أَلَيْسَتِ الْحَيَاةُ أَفْضَلَ مِنَ الطَّعَامِ، وَالْجَسَدُ أَفْضَلَ مِنَ اللِّبَاسِ؟
(متى ٦: ٢٥)
في الوقت اللي هتحتاج فيه زيادة
هو هيهتم بيك بشكل أعلي من توقعاتك ..
في الوقت اللي هتتعب وتبقى مش قادر تكمل
وطاقتك صفر هتلاقي اهتمامه كافي
ويديك قوة أزيد تكفي مسئولياتك..
كلامه لينا ماتعولوش هم بكرة..
بكرة في إيده🤲..
احتياجاتك في إيده..
نجاح الخطوة الجاية في إيده..
سلام نفسك في إيده...
اهتمامه بيك كافي وزيادة..💜

صديقي تعالي نحط مكان النقط الحاجة اللي عايزه يهتم بيها
الوقت الجاي،
وقول له ......... في عنايتك يا بابا😍