[walaa farouk]

لويس زامبريني
ده واحد حصلت له أحداث حقيقية و صعبة أوي 😥
كان بطل رياضي أوليمبي أمريكي في الجري
و أثناء الحرب العالمية التانية ساب الرياضة بالرغم من تميزه
فيها واتجه للجيش، وهناك دخل في قوات التحالف
وهو قريب من اليابان الطيارة اللي كان راكبها اتضربت
وقدر ينزل بالبارشوت سليم.. لكنه شاف مصاعب كتير
لحد ما اتمسك أسير مع ظابط ياباني ملقب بالطائر
اللي عذبه بطرق صعبة و خلاه يشترك في الجري
ضد جنوده ولو فاز كان بيتعذب
وفعلًا هو عمل له إصابة في رجله و كان بيهينه
و يقلل من كرامته كتير😓
وبعد فترة كانت من أسوأ أيام لويس لدرجة إنه جاب أخره حرفيًا .
. الحرب انتهت بانتصار قوات التحالف
ورجع لبلده باضطراب نفسي صعب جدًا 💔
و فعلًا قعد فترة كبيرة بيشوف كوابيس
و مضطرب بسبب الظابط ده واللي عمله فيه
لكن
مراته خدته لنهضة لبيلي جراهام وهناك سمع عن محبة الله وغفرانه😍🙏
وحس إن الحب حقيقي بيحاوطه و بعدها راح اليابان
و حاول يقابل عدوه الظابط اللي رفض يقابله وبيقولوا إنه قتل نفسه
ساعتها حس لويس زامبريني بمحبة حقيقية للظابط ده واختبر معنى كلمة أحبوا أعداءكم و أصبح مبشر بالإنجيل
و الأحداث دي اتعملت فيلم إسمه المعتقل بالنعمة سنة ٢٠١٥💜

و انت قولنا رأيك هل فعلًا نقدر نحب أعدائنا ؟🤔

#عبرة_من_عالجبل🏔️